8-13-тӥ тулыспалэ Ижкарын радъяськоз кыкетӥез Пельнянь фестиваль.

Кыкетӥез фестиваль сӥземын луоз Пельнянь шудонъёслы. Татчы люкаськозы элькунысьтымы вань пельнянь кутӥсьёс. Куноослы луонлыксы луоз ӧскалтыны пӧртэм пуштросо пельняньёсты. Со сяна нырысьсэ ортчозы Пельнянь шудонъёс. Озьыен, радъясьёс кыл сёто, фестиваль ческыт но вунонтэм луоз! Фестивальлэн йылпумъян ужрадэз ортчоз Ижкарысь шор площадьын 13-тӥ тулыспалэ.

Нырысетӥ Пельнянь шудонъёс

Пельнянь шудонъёс – со спорт шудон, кудаз пыриськозы ёросъёсысь семья командаос. Олимпиадаын сямен ик татын луоз Пельнянь тылэз сӥё-дано ӝуатон, семья командаослэн пумитан-данъян, шудонлэсь флагзэ ӝутон.

Шудонъёслэн быръён туразы командаос асьсэды эскерозы пельнянь бейсболын, пельнянь фрисбиын, пуктозы куноослы чебер ӝӧк, «Тупен шудон» удмурт калык шудонэн тодматскозы.

Полуфиналэ потэмъёсты витё пельнянь хоккей но пельняньтон. Нош финалын «Ижевская шумовка» эстафета луоз.

Нырысети пельнянь шудонъёсы пыриськыны ӵекто семья командаосты (анай, атай, 8-12 аресъем нылпи). Заявкаосты info@pelmenfest.ru почтае келяно.

Сиён-юонъёслэсь ӟечлыксэс пусйись «Зарни Пельнян» примия

Вормисьёс куинь ӧръя быръемын луозы:

— Калыкез вылӥ ӟечлыко сюдон (кафе, ресторан);

— Вылӥ ӟечлыко сиён лэсьтӥсьёс (пельнянь но сое кутыны кулэ луись сиёнъёс);

— Вылӥ ӟечлыко йӧскалык сиёнъёс (Удмуртилэн ёросъёсаз дасям йӧскалык сиёнъёс).

8-13-тӥ тулыспалэ ресторанъёс, кудъёсыз пырисько шудонэ, радъялозы «Пельнянь арня / удмурт сиён-юонъёслы сӥзем арня», ортчытозы мастер-классъёс.

Сиён поттӥсь ужъюртъёс 13-тӥ тулыспалэ Ижкарысь Шор площадьын возьматозы асьсэлэсь ужзэс. Фестивале лыктэм куноос дунъялозы соослэсь вузкарон интызылэсь чеберлыксэс, сиёнъёссылэсь ӟечлыксэс но пӧртэмлыксэс, дунзэс но калык йылолъёсъя дасямзэс.

«Удмуртилэн “ческыт” мутусэз»

Элькунамы пӧртэм сиёнъёс потто. Но Ижкарын улӥсьёс тросэз сярысь уг тодо, веръямзы но ӧвӧл. Соин ик Фестиваль луонлык сётоз ёросъёсын поттэм сиёнъёсын тодматскыны. Ёросъёсысь ваёзы пӧртэм пумо сиён-юонъёсты, тодматозы со сиён-юонъёсын герӟаськем сям-йылолъёсын.

Тодады вайытӥськомы, 2015-тӥ арын фестиваль туризмъя Russian Event Awards премиын 2-тӥ инты басьтӥз. Пельнянь нунал – быдэс Россия масштабен ужрад, куноослы Удмуртилэн лучеберетэныз но байлыкеныз тодматскыны луонлык сётэ, нош партнёръёслы асьсэлэсь сиён-юонзэс калыке паськыт влмытыны луонлык усьтэ.

Пыр-поч ивортодэт www.vk.com/pelmenfest