30-31-тӥ пӧсьтолэзе Вотка ёросэ «Юр-Яр» нимо турслётэ Алнаш, Вотка, Кияса, Пичи Пурга, Якшур-Бӧдья но Эгра ёросъёсысь ужась егитъёс люкаськылӥзы.

– Шумпотымон тросэз егитъёс семьяенызы ӵош лыктӥллям шуыса. Ньыль ар куспын фестиваль эшъёсын пумиськон но удмурт сямен вераськон площадкалы пӧрмиз, – мылкыдъёссэ вера «Шунды» мерлыко огазеяськонлэн кивалтӥсез Ольга Тронина.

Жюри егитъёслэсь турполосаез ортчыны, тылскем кенӝытыны, нырысетӥ эмъюрттэт сётыны, палатка шонер пуктыны, тылскем вылын сиён пӧраны быгатэмзэс учкиз. Тужгес но шаплы но котьмае быгатӥсь луиз Шаркан ёросысь «ПельняньКо» команда. Кыкетӥ инты утӥзы Эгра ёросысь егитъёс, куинетӥ инты басьтӥз Кияса ёрос.