ТурСтат аналитической агентство Россиын ортчись сиён-юонлы сӥзем тол фестивальёслэсь но «ческыт» шулдыръяськонъёслэсь рейтингзэс лэсьтӥз. Та рейтингын нырысетӥ инты басьтӥз «Пельняньлэн дунневыл нуналэз» фестиваль.

Рейтинг кылдытэмын шулдыръяськонъёслэсь калык пӧлы вӧлмемзэс лыдэ басьтыса. Дасэз тужгес ӟечъёсыз фестивальёс пӧлы пыртэмын: «Пельняньлэн дунневыл нуналэз» фестиваль (Удмуртия, Ижевск), «Уральские пельмени на Николу зимнего» (Челябинск), «Русский холодец» (Большие Дворы, Москва улос), «Кухня Дедов Морозов Мира» (Рыбинск, Ярославль улос), фестиваль IKRA (Красная Поляна, Сочи), «Буузын Баяр» (Улан-Удэ, Бурятия), «Сделано в Ялуторовске» (Тюмень улос), «Фестиваль вареников» (Белгород), фестиваль «Попробуй Югру на вкус» (Ханты-Мансийск) но «День пельменя» шулдыръяськон (Южно-Сахалинск).

ТурСтатлэн ивортэмезъя, фестивальёсы пыриськон понна дун тыроно ӧвӧл.