Выль кырӟан эктонъя вожвылъяськонын чузъяськоз. Крезьгурзэ «Эктоника» ӵектослэн продюсерез Владислав Горжак гожтӥз. Нош кылбурын ӟуч но удмурт кылъёс пӧлэстӥсько.

«Мон понна тужгес пусйымонэз, «Пельняньлэн дунневыл нуналэз» ӵектос калыклы удмурт кылэн но лулчеберетэн тодматскыны луонлык сётэ шуыса. Та празднике трос адями люкаське но Ижкарын ортче бере, озьыен со кар вӧлметэ удмуртсэ пыӵатон ужпумез нуэ», — Богдан Анфиногенов, кылбурчи.

Нялтас вераса, 4 ар талэсь азьвыл Анфиногенов фестивальлы кырӟан гожтылӥз ни. Соку «Зэмос удмурт пельнянь» ужез ужрадлэн гимнэз луиз.

Тодэ вайытом, «Пельняньлэн дунневыл нуналэз» Удмуртиын 1-9 тулыспалэ ортчоз. Туэ со Выль историез кылдытоз. Фестивальлэн валтӥсь темаез – выжыослэн кусыпъёссы. Радъясьёс оско: вань вылез – со умой вунэтэм вашкалаез. Одӥг йылол но, история яке рецепт уг ышо, соос кӧня ке воштӥсько но туала егитъёслы валамон выль «шрифт» басьто.

Фестиваль улсын сипель лэсьтонъя, туспуктэмъёсъя, эктонъя, шудонъя вожвылъяськонъёс но мукет ужрадъёс ортчозы.

https://udmurt.media/udm/news/kultura-i-turizm/49132/