6-8-тӥ толсуре Пермьын Калыкъёслэн эшъяськонзылы сӥзем форум ортчиз, та ужрад пыртэмын вал Йӧскалык огазеяськонлы сӥзем IX Россиякуспо форум пушкы.

Ужрадлэн ужпумез: палэнысь кышкытлык лыктыку, егитъёс пӧлы Россиын кылдэм дунъетъёсты пыӵатон , калыкъёс но конфессиос вискысь кусыпъёсты кышкыттэм карон.

Форуме пыриськизы тодосчиос, кун йӧскалык политика удысысь ӧнерчиос, этнокультурной ужъюртъёсысь кивалтӥсьёс. Та ужрадэ Удмурт Элькунысь усточиос но ветлӥзы: Удмурт Элькунысь йӧскалык политикая министерствоысь мониторингъя но йӧскалык кусыпъёсты эскеронъя ёзэтлэн кивалтӥсез Сергей Огородников но Калыкъёслэн эшъяськон юртысьтызы егитъёслэн кичӧлтонъёссыя но мерлык проектъёсъя ёзэтлэн кивалтӥсез Любовь Салихова.

Форум ортчон дыръя нимысьтыз эскеремын вал миграци политикаысь ужпумъёс, этносъёс вискын умоесь кусыпъёсты кылдытон амалъёс, мигрантъёс выль социокультурной югдурлы каньылгес мед дышозы шуыса.

Любовь Салихова конференцие пыриськисьёслы «Миграционные процессы в новых геополитических условиях» нимо докладзэ лыдӟиз, отын со Удмуртие вуэм кунгожсьӧр кунмуртъёслэн адаптацизы но соин валче кылдӥсь ужпумъёс сярысь вераськиз.