“Пичи Чеберайёс но Батыръёс” нылпи фестивальлэн финалэз ортчоз Калыкъёслэн Эшъяськон юртазы 19-тӥ толсуре.

Пичи Чеберайёсты но удмурт Батыръёсты быръёзы Удмуртиын

Конкурс радъяське нылпи садъёсы ветлӥсь 5-7 аресъем пиналъёс куспын. Отчы пырисько удмурт кылэз, сям-йылолъёсты тодӥсь яке дышетӥсь покчиос.

Финалын пумиськозы фестивальлэн нырысетӥ этапаз вормемъёс, кудӥз ортчиз ёросъёсын.

«Вожвылъяськонлэн пуштросэз удмурт нылкышно но пиосмурт уж вылэ пыкиськыса кылдытэмын, – шуэ конкурсэз радъясь Надежда Степанова. – Пичи Чеберайёс но Батыръёс йӧскалык сиён пӧраны, удмурт кырӟан-эктон возьматыны кулэ. Со сяна нылъёс нуны веттан гур быдэстозы, киужен вырозы, нош пиос – ужын чырткем луэмзэс возьматозы».

“Пичи Чеберай” но “Удмурт Батыр” ним басьтэмъёс Калыкъёслэн Эшъяськон юртазы Чеберайёслэн но Батыръёслэн парадазы пыриськозы.

Радъясьёс: «Удмурт нылкышно кенеш» огазеяськон, Калыкъёслэн Эшъяськон юртсы Йӧскалык политикая министерство но «Удмурт Кенеш» ассоциация юрттэмен.

Ивор кутэмын: https://udmddn.ru/ivorjos/4925/