«Талешке кече-» калык геройлэн Нуналэз» – поръёслэн котьку сямен ортчись шулдыръяськонзы, кудӥз юнматэмын вал поръёслэн I съездазы 1918-тӥ арын. Та йӧно-буро нуналлы сӥземын вал фестиваль.

Концертсы туж тунсыко но шулдыр ортчиз. Йӧскалык коллективъёс ӵыжы-выжыослы сӥзем пичи спектакльёс, миниатюраос но мукет номеръёс возьматӥзы.

Ужрад кутскиз Удмуртиысь пор огазеяськонлэн мерлык кенешсылэн заседаниеныз. Отын быдэстэм но вуоно ӵектосъёсты, улосвылъёсысь каръёсын но ёросъёсын огазеяськонъёсты азинтонъя планъёсты пыр-поч эскеризы.

«Улосвыл мерлык огазеяськонмы котькуд ар пор лулчеберетъя фестиваль ортчытэ. Солэн ужпумъёсыз – калыклэсь кылзэ, лулчеберетсэ егитъёс пӧлын вӧлмытон но азинтон, пиналъёслы патриотизмо мылкыд пыӵатон», – пусйиз «Национально–культурная автономия марийцев Удмуртской Республики» огазеяськонлэн кивалтӥсез Вернер Ушаков.

Туспуктэмъёс: «Ӱжара» пор егитъёслэн огазеяськонзы