Та ӵектос сизьыменыз коммерциен герӟаськымтэ огазеяськонъёсын (ӟучъёс, удмуртъёс, бигеръёс, еврейёс, таджикъёс, азербайджанецъёс, армянъёс) радъяське. Йӧскалык политикая министерствоын та огазеяськонъёсысь огмуртъёсын проектэз быдэстон пумысен ужпумъёсты сэрттӥзы-пертчизы.

Таяз аре огезеям трос йӧскалыкъем команда Дэри ёросэ потыны малпа. Радъясьёслэн ужазы (планъёсазы) пыре: ёрослэн вормонъёсыныз но шугсекытъёсыныз тодматскон, трос йӧскалыкъем концертэз радъян но трос нылпиё семьяослы юрттон.

Тодэ вайытӥськом, «По родному краю с любовью» мерлыко ӵектос 2010-тӥ арын «вордӥськиз». Котькуд ар НКО-лэн юрттэмзыя элькунысь пӧртэм ёросъёсы ветлон радъяське. Ӵектсолэн дас кык ар ужамез куспын 12 ёросъёсысь 67 семьяослы юрттэт сётэмын.