2016-тӥ аре 3-тӥ толсуре Каракулино ёросын пор лулчеберетлы сӥзем улосвылкуспо фестиваль радъяськоз. Татчы фольклор коллективъёс сяна, элькунмылэн ёросъёсысьтыз, Татариысь, Башкориысь, Марий Элысь, Киров улосысь делегациос пыриськозы.

Фестиваль сӥземын пор писательлэн И.М. Токмурзин-Ломберскийлэн вордӥськем дырысеныз 120 ар тырмонэзлы но Удмурт Элькунысь но Марий Эл Элькунысь лулчеберет удысысь дано ужасьлэн Р.И. Токмурзинлэн 90 арес тырмонэзлы. Ужрад кутскоз И.М. Токмурзин – Ломберский нимо премиен пусъён бордысен. Шулдыръяськон сяна, программаын чакламын элькунысьтымы пор калыклэн мерлыко огазеяськонъёсызлэсь кенешсэс ортчытон, «Висвис» фольклор ансамбльлэн 15 ар тырмонзэ сиё-дано пусъён.

Ватсаса ивортодэт басьтыны луоз таӵе телефонъя: 63-10-88 – Виктория Викторовна Папаева, Калыкъёслэн Эшъяськон юртысьтызы валтӥсь ӧнерчи.