13-тӥ южтолэзе Президент бордысь Йӧскалык кусыпъёсъя Кенешлэн президиумез ортчиз. Одӥгез валтӥсь юан – куартолэзе ортчоно пумиськонлэсь темаез юнматон. Кенешлэн ёзчиосыз бырйизы «Россиысь калыкъёслэсь огинзэс юнматонын, егитъёслы атыкай музъемез гажан мылкыд пыӵатонын лулчеберетлэн интыез» темаез.

Трос пумо юанъёсты эскеризы пумиськоныны. Президентлэсь косэмъёссэ быдэсъян сярысь вераз В. Зорин, ченгешонъёсты сэрттон-пертчонъя но мониторингъя Комиссилэн кивалтӥсез. Со пусйиз мониторинг лэсьтон удысын огъя куронъёсъёслэсь дась луымтэзэс. В.Зоринлэн малпамезъя, калык кусыпъёсъя мониторинг лэсьтыку урод учыръёсты гинэ чаклано ӧвӧл, умойзэ но эскерыны но дыр шедьтоно.

Александр Журавский, Россия Федерациысь улосъёсты азинтонъя министерствоысь йӧскалык кусыпъёсъя департаментлэн кивалтӥсез, вараз министерстволэн проектъёсыз сярысь. Нимысьтыз инты соос пӧлын басьто «НацАкцент» вотэсбам но «СМИротворец» вожвылъяськон.

Журналистъёслэн йӧскалыккуспо гильдизылэн кивалтӥсез Маргарита Лянге ивортӥз йӧскалык политика удысысь ужрадъёс сярысь. Тодмостӥз журналистъёс йӧскалык политика сярысь гожъяло ке но, куд-огез рос-прос ӧвӧл тодматскемын йӧскалык политикая Стратегиен. Та югдурез воштон вылысь журналистъёс нимысьтыз семинаръёсы но тренингъёсы. Пыриськыны мылкыдзэс веразы.

Озьы ик ӝутэмын вал юан ивор вӧлмытон сӧзнэтъёслэн политика удысэз югдытонын ужзы но интызы сярысь. Та юанлы валэктон сётӥз Екатерина Ларина. Солэн кылъёсызъя, али дасямын кункатлэн ӵектосэз, кудӥзъя ивор вӧлмытӥсь сӧзнэтъёс кылкутоно луо йӧскалык кусыпъёсты сэрттэм-пертчемзы но соин сэрен ченгешонъёс кылдэм понна.

Россиысь немецъёслэн федерал огазеяськонзылэн президентэз Генрих Мартенс шаерысьтымы валтӥсь ивор вӧлмытӥсь сӧзнэтъёслы вазиськиз, калык кусыпъёсты юнматон вылысь мар лэсьтэмзы сярысь вераны косӥз. Нош Кун Думаысь йӧскалык ужъёсъя Комитетэн кивалтӥсез Гаджимет Сафаралиев ӵектӥз Кенешлэсь ёзчиоссэ телеканалъёслэн директоръёссылэн кенешазы пыртыны, каналъёслэн огъя ужан но ивор лэсьтон политикаязы пыриськыны луонлык кылдоз.

Магомедовлэн тодмостэмезъя, туннэ нуналын ивортодэт политикалэн кулэлыкез туж бадӟым. Дыр вуиз ини Дуннелы Россиялэсь йӧскалык политика удысын азинлыко луэмзэ возьматыны.

Вуоно пумиськонлы тема юнматон вылысь трос ӵектосъёс эскеремын вал. Ёзчиослэн малпамзыя, Украинаын но Крымын секыт учыр кылдэмын егитъёсты шонертэм визьнодамен сэрен. Соин ик пумиськонлы «Россиысь калыкъёслэсь огинзэс юнматонын, егитъёслы атыкай музъемез гажан мылкыд пыӵатонын лулчеберетлэн интыез» тема бырйемын вал.