26-27-тӥ тулыспалэ 18:00 часын «Роликс» киновозьматонниын «Пузкар» кинолэн премьераез ортчоз. «Пузкар» – INWIS удмурт-поляк кинопоттоннилэн выль ужез. Лэсьтыны кутскемын ар но ӝыны талэсь азьло. Кызьы шуо асьсэос кино бордын ужасьёс: «Пузкар» кино ӟечлыкезъя но артистъёслэн дасяськемзыя (“Узы-боры” кинолэсь) вылӥгес быдэстэмын. Польшаысь юромо операторъёс но ӧтемын вал».

Режисеръёсыз та радэ удмурт пиос – Сергей Наговицын и Константин Ложкин. Сценариз бордын ужаз Дарали Лели. Кинолэн валтӥсь малпанэз – удмуртлыкез утён. Шудӥзы:Максим Князев, Ксения Ворончихина, Никита Моисеев, Наталия Алексеева, Иван Плотников, Надежда Наговицына.

Кинолэн продюссорез П. Палган вера: «Кино кузь ик ӧвӧл, кыстӥське 80 минут пала. Пуктэмын ог 500 суредъёс. Соос вакчиесь, но туж яркытэсь. Актёръёс туж зол, быгатыса шудо». Палганлэн малпамезъя, кино удалтӥз, куд-ог пичи шекъёсыз пумиськыло ке но.

Та нуналъёсы билетъёс басьтыны луэ ини «Роликс» киновозьматоннилэн кассаосаз. Дуныз 150 манет.