15-тӥ южтолэзьысен 9-тӥ куартолэзёзь Москваысь йӧскалык политикая но улосвыл кусыпъёсъя Департаментлэн юрттэмезъя «Международные интеграционные технологии» коммерциен герӟаськымтэ фонд «Многонациональная Победа» ӵектос радъя.

Та проект сӥземын калык кусыпъёсты умоятонлы, егитъёслы сӥбурлыко (нравственной), патриотизмо мылкыд пыӵатонлы, Быдӟым Атыкай тыложын 1941-1945-тӥ аръёсы ожмаськем батыръёсты гажаса тодэ ваёнлы. Озьы ик пумит кариськоно сыӵе веранъёслы, кудъёсаз калыкмылэсь фашистъёсын но неофашистъёсын нюръяськемзэс мыдланьтыны туртто.

Ӵектослэн валтӥсь кабъёсыз:

1. «Вспомним всех поименно» калык марафон;

Марафонэ пыриськон понна ВКонтакте вотэсбаме семьядылэн альбомысьтыз Быдӟым Атыкай тылож дыръя лэсьтэм туспуктэмез пононо но отысь адями сярысь мадёс гожтоно. Посттэс ваньзы мед быгатозы адӟыны. Эн вунэтэ пусйыны #вспомнимвсехпоименно #многонациональнаяпобеда #марафонпобеды2023 хештэгъёсты.

2. «Незабытые истории Победы» калык альманахлы гожтэм веросъя вожвылъяськон;
3. Нимысьтыз военной операцие пыриськисьёс сярысь веросъя вожвылъяськон, кудъёсыз «Za Родину» бичетэ пырозы.

Та вожвылъяськонъёсы пыриськон понна семьядылэн альбомысьтыз Быдӟым Атыкай тылож дыръя лэсьтэм туспунктэмъёсты яке СВО-е пыриськисьлэсь туспуктэмзэ но соослэн подвигъёссы сярысь, пӧртэм калыкъёс куспын эшъяськон, юрттэт сётон сярысь верос гожтыса келяно. Текст кык сюрс знакъем луыны кулэ.

Ужъёсты борды нимтулдэс яке оглом коллективез пусъелэ.

«Незабытые истории Победы» альманахе веросэз 9-тӥ куартолэзёзь pomnimpobedu@mail.ru почта адресъя келяно.

«Zа Родину» бичетлы тупась веросэз zarodinu240222@mail.ru почта адресэ келяно.

Пыр-почгес положениын: Многонациональная победа