Люкаськемъёсты ӟечкылазы йӧскалык политикая министрлэн воштӥсез Людмила Соковикова, белорус лулчеберетъя «Батьковщина» огазеяськонлэн кивалтӥсез Николай Украинец, Удмуртиысь калыкъёслэн Ассамблеяенызы кивалтӥсь Владимир Байметов, Кун Кенешысь депутат Зоя Степнова, армянъёслэн «Урарту» мер огазеяськонзылэн тӧроез Мнацакан Аракелян.

«Арлы быдэ оштолэзе Россиын но Беларусь кунъёсын та праздникез пусйиськом. Со нунал 2 кунъёслэн президентъёсынызы юнматэмын, — шуэ Николай Украинец. – Праздник белорусъёслэсь но Россиын улӥсьёслэсь вынлыко луэмзэс, азьпал кусыпъёсты возьматэ. Берло 20 аръёсты басьтоно ке, Беларусь но Россия куспын гожтэм огкыллэн положениосыз улонэ пыӵамен, трос гинэ азинсконъёс басьтэмын».

Ужрад концертэн йылпумъяськиз. Асьсэ быгатонлыкъёссэс возьматӥзы элькунысь йӧскалык лулчеберетъя огазеяськонъёслэн коллективъёссы.

Ивор кутэмын Калыкъёслэн Эшъяськон юртсылэн нимлыко вотэсбымысьтыз: https://udmddn.ru/ivorjos/росси-но-беларусь-калыкъёслэн-огазея/