Арлы быдэ казакъёслэн мерлыко огазеяськонзы Удмурт Элькунысь йӧскалык политикая министерстволэн юрттэмез улсын казак кадетъёслы лагер ортчытэ.

Кыкетӥ арзэ ини егит казакъёс люкасько Каракулино ёросысь Чегенда черкогуртын. Туэ со 20-27-тӥ пӧсьтолэзе радъяськиз. Татчы люкаськизы 8-15 аресъем 35 пиналъёс. Егитъёслэн мӧзмыны дырзы ӧй вал, угось трос пӧртэм занятиосы вуттоно вал: гурезе тубанъя, эм юрттэт сётонъя, ожтӥрлыктэк жугиськонъя, ожтӥрлыкен выронъя. Кадетъёс Вятское черкогуртэ шаертодонъя музее но вуылӥзы.

Отец Евгений христиан оскон сярысь вераськиз пиналъёсын, атаман Новосёлов И.В. казакъёслэн исоризыя, православия лекциос лыдӟиз, Малые Калмаши черкогуртысь лулчеберетъя юртысь артистъёсын тодматскон но вал, нош Сарапул карысь бард Пименов атыкай музъемез яратон, афган но чечен войнаос сярысь аслэсьтыз кырӟанъёссэ кырӟаз.

Лагерлэн бертпуметӥ нуналаз кадетъёс анай-атайёссылы, лыктэм куноослы лагерын басьтэм тодон-валанъёссэс, быгатонлыкъёссэс возьматӥзы. Пиналъёслы таукаранъёс сётъязы, тужгес ӟечъёсызлы – часъёс.