Калыкъёслэн эшъяськон юртазы Россия Федерациысь армилы юрттон понна «Йөрәк җылысы» («Сюлэмъёслэн шунытсы») нимо акция ортчиз. Ужрадын Удмуртиысь «Ак Калфак» бигер кышномуртъёслэн огазеяськонысьтызы усточиос дэмдор (оберег) лэсьтонъя но вить спицаосты уже кутонъя мастер-классъёс возьматӥзы.

Акцие пыриськисьёс шуныт кылъёсын гожтэт гожтӥзы, ыжгонлэсь дэмдор лэсьтӥзы, шуныт носкиос керттӥзы. Вань тыршыса лэсьтэм арбериоссы ожгар частьёсы вуэмын ни.

«Забава» ӟуч кырӟанъя калык ансамбль, Россиысь калык творчествоя сӥё-дано коллектив, со кузьымъёсты ыстыны юрттӥз.

Тодэ вайытӥськом, Удмурт шаерын та акция 29-тӥ шуркынмонысен 13-тӥ толсурозь кыстӥськиз. Пыриськыны вань мылкыд карисьёс быгато вал.