2-тӥ куартолэзе Калыкъёслэн Эшъяськон юртазы «Россия глазами детей (Россия нылпиослэн синмынызы)» творчествоя XII Элькун вожвылъяськон радъяськоз. Ужрадлэн валтӥсь меретэз: Удмурт Элькунысь усто нылпиосты но егитъёсты шараян.

Вожвылъяськонэ нылпи садъёсысь (5-6 арес) покчиос, школаосысь но ватсаса тодон-валан сётӥсь ужъюртъёсысь дышетскисьёс (7-10 арес, 11-13 арес, 14-18 арес), удысужлы дышетон ужъюртъёсысь но вылӥ дышетскон ужъюртъёсысь студентъёс (15-17 арес, 18-23 арес), егитъёслэн мерлыко огазеяськонъёссылэн ёзчиоссы (8-30 арес), егит семьяос.

Вожвылъяськонэ пыриськисьёслэн ужзы сӥземын луыны кулэ одӥгезлы ӵектэм темалы: «Мынам Россие», «Паськыт вордӥськем шаере мынам», «Пӧртэм Удмуртия».

Вормисьёсты быръёзы таӵе номинациосъя: «Литература», «Туспуктон», «Видео адӟытон», «Калык творчество». Нылпи садике ветлӥсьёс понна гинэ номинация – «Суредаськон» (акварель, гуашь, цветной карандаш, пастель).