Россиын «Лулчеберето марафон» финалэ регистрация усьтӥськиз – со арлы быдэ ортчись школаын дышетскисьёс понна лулчеберетлы но технологиослы сӥзем югдытӥсь ӵектос. 8-тӥ толсурозь вань мылкыд карисьёс быгато Яндексын тест ортчыны. Со марафонлэн азьвыл люкетъёсызлы йылпумъянъёс лэсьтоз. Тестэ пырон понна кулэ вотэсбамын регистация ортчыны.

«Лулчеберето марафон»-лэн тестэз куинь вариантэн сётэмын – пичиос понна (7-10 арес), шоро-куспоос понна (11-14 арес) но бадӟымъёс понна (15 арескысен). Ужрадын юанъёс туэ арлэн пуштросэзъя люкамын – «Ӟуч классикъёс технологиослэн синучконзы пыр» («Русские классики через призму технологий»). Шонер валэктон сётон понна, пиналъёслы трос малпаськыны кулэ луоз. Материалъёс дасямын озьы, котькуд пыриськись ӟуч лулчеберет сярысь мае ке выльзэ мед тодоз шуыса.

«Лулчеберето марафон»-лэн йылпумъянъёсыз толсуре лэсьтэмын луозы.