27-29-тӥ куарусён толэзе 2017-тӥ аре Сыктывкарын Россиысь финн-угор калыкъёслэн VI ӧтчамазы люкаськоз. Радъясьёслэн чакламзыя, Россилэн 42 улосысьтыз 350-лэсь ятыр адями лыктыны кулэ, соос пӧлысь 210-эз делегатъёс. Дано куноос пӧлын: Россия Федерациысь Президентлэн Администрациезлэн кивалтӥсезлэн воштӥсез Магомедсалам Магомедов, Йӧскалык ужпумъёсъя федерал агентстволэн кивалтӥсез Игорь Баринов, Россилэн Президентэзлэн Администрациысьтыз йӧскалык политикая департаментлэн кивалтӥсез Татьяна Вагина. Коми Элькунлэн Тӧроез Серегй Гапликов озьы ик пыриськоз ӧтчамлэн ужаз.

Форумын азьветлӥсьёс экерозы финн-угор калыкъёслэсь кылзылэсь, лулчеберетсылэсь азинтӥськемзэс, инкуазез но тазалыкез утёнэз,. Секциослэн ужъёссы сӥземын луозы егитъёсын ужан политикалы, ивортодэто технологиослы, ивор вӧлмытӥсь сӧзнэтъёслы. Озьы ик чакламын ортчытыны котырес ӝӧк, кудаз вераськон мыноз мерлык удысын ӵошен ужан но бизнес сярысь. Удмуртиысь но делегация (21 адями) ӧтчаме мынэмын. Делегатъёс пӧлын Удмурт Элькунысь йӧскалык политикая министрлэсь ужзэ быдэсъясь Л.Н. Буранова, Вань удмуртъёслэн «Удмурт Кенеш» ассоциацизылэн Президентэз Т.В. Ишматова.