4-тӥ оштолэзе Калыкъёслэн Эшъяськон юртэ Удмуртиысь йӧскалык-лулчеберетъя огазеяськонъёс люкаськозы. Татын дартсэн шудон (0+) радъямын луоз, со Россиысь калыкъёслэн огъя луонзылэн арезлы сӥземын луоз.

Ужрадэ пӧртэм муниципал кылдытэтъёсысь командаос пыриськозы. Ты выллем ужрадъёс калык кусыпъёсты умоятонлы, командаен ужанлы, озьы ик тазалык юнматонлы сӥземын. Ваньмыз та «Семья» йӧскалык ӵектослэн ужпумъёсызлы тупало, кудзэ кунмылэн азьмуртэз Владимир Путин юнматӥз.

Турнире йӧскалык-лулчеберетъя огазеяськонъёсысь командаос ӧтисько 6 адями котькуд командаын (куинь воргорон но куинь нылкышно). Пыриськисьёс 18 аресыен кутӥсько. Заявкаос кыкетӥ оштолэзёзь ddnudm@mail.ru электрон почта пыр яке Калыкъёслэн Эшъяськон юртазы 306-тӥ номеро кабинетын кутӥсько. Юанъёсъя вазиськыны луэ телефон пыр: 90-60-85 (доб. 425).

Вормисьёслы кубокъёс, медальёс но дипломъёс сётозы.

Ужрадэз ортчыто УЭ-ысь Йӧскалык политикая министерство, Калыкъёслэн Эшъяськон юртсы, Удмуртиысь бигер мерлык центр, «Янарыш» ивортодэтъя центр, 5-тӥ номеро олимпи резерв дасянъя спорт школа.

Тодэ вайытом, 23-тӥ тулыспалэ «Арена» спорт огъетын йӧскалык-лулчеберетъя огазеяськонъёс куспын XVII Футзалъя элькун чемпионат ортчиз. Ужрад УЭ-лэн нырысетӥ азьмуртэзлы Александр Александрович Волковлы, Атыкай музъемез утисьлы но Россиысь калыкъёслэн огъя луэмзылэн арезлы сӥземын вал. Ӵошатсконын 200-лэсь трос адямиос люкаськизы 13 йӧскалык командаосысь.