1-тӥ куарусёнэ Татиана мученицалэн храмезлэн азбараз ортчиз Православной культуралэсь инъетъёссэ мургес эскерись классъёсын дышетскон ар кутсконлы сӥзем сӥё-дано линейка. Ӵектос 93-тӥ номеро муниципал огъядышетонъя школалэн но Ижкар епархилэн валче тыршеменызы быдэсъяське. Занятиос Духовно-просветительской центрлэн ужъюртаз ортчо.

Семья дунлыкъёслы юрттон но нылпиосты духовно-нравственной амалэн будэтон понна дышетон кичӧлтонъёс Россилэн Азьмуртэзлэн Владимир Путинлэн кичӧлтэмезъя быдэстӥськись «Семья» йӧскалык ӵектослэн ужпумъёсызлы тупало.

Дышетскон улсын нылпиос «Основы православной культуры» модулен огшоры гинэ уг тодматско, соос православной духовной сям-йылолъёсты пыр-поч но мургес эскеро. Программае пыро осконлэн инъетъёсыз, Священной Гожтэм, Россиын черклэн но православилэн историез, черкез лэсьтон но вӧсяськонлэн пуштросэз. Озьы ик школаын дышетскисьёс христиан искусстволэсь символической кылзэ дышето, со пӧлын обросъёс, фрескаос но черк кырӟан, но православной дырпусэз но праздникъёсты пыр-поч эскеро. Дышетӥсьёс нимысьтыз саклык висъяло нравственной воспитанилы, дышетскисьёсын ӟечез но уродэз валатонъёс, матысьсэ яратон, гажан-жалян, уж шоры учкон, тырон но кылкутон сярысь вераськыса. Занятиослэн висъянтэм люкетсы луэ христиан семьялэсь дунлыкъёссэ шараян. Нылпиос Божественной литургие но молебенъёсы ветло, архипастырской благословение басьто, нылпи хорын кырӟало но озьы черк улэп сям-йылолъёс борды меӵак итӥсько.

успуктэм: Ижкар но Удмурт епархилэн пресс-службаез