Калыкъёслэн Эшъяськон юртын шашкиосын но кузь нарды шудонъя (12+) ӵошатсконъёс ортчизы. Ужрад Россиысь калыкъёслэн огъя луонзылэн арезлы но Быдӟым Вормонлэн 81 арезлы сӥземын. Ӵошатсконъёсы пӧртэм аресъем адямиос люкаськизы.

Ӵошатскисьёсты УЭ-ысь Йӧскалык политикая министрлэн воштӥсез Александр Филатов ӟечкылаз.

Ты выллем ужрадъёс калык кусыпъёсты умоятонлы, командаен ужанлы, озьы ик тазалык юнматонлы сӥземын.

Программаын котькуд ӵошатсконъя 7 тур радъямын вал. Шашкиосын Пичи Пургаысь Елизар Моторин вормиз, нош кыкетӥ но куинетӥ интыос 17-тӥ номеро школаысь Никита Рычков но «Алексей Чижов нимо шашкиосын шудонъя школа» клубысь Маргарита Фёдорова басьтӥзы. Кузь нардыосын вормиз «Достлуг» азербайджан мер огазеяськонысь Элгюн Рустамзада. Кыкетӥ инты Эхтибар Халилов но куинетӥ инты Афтандил Аскеров утӥзы. Вормисьёсты кубокъёсын, медальёсын но дипломъёсын данъетазы.

Ужрадэз ортчыто УЭ-ысь Йӧскалык политикая министерство, Калыкъёслэн Эшъяськон юртсы, Удмуртиысь «Достлуг» азербайджан мер центр.

Калыкъёс куспын спартакиада улсын ар ӵоже пӧртэм спортъя ӵошатсконъёс ортчыло. Туэ пыриськисьёс шахматэн, футзалэн но дартсэн шудӥзы ини. Азьланяз тунсыко программа вите на: фиджитал-футбол, компьютер спортъя ӵошатсконъёс, ӝӧквыл теннис, бильярд, боулинг, волейбол, бигер йӧскалык шудонъёс но канатэз кыскон.

Туспуктэм: УЭ-ысь Йӧскалык политикая министерство.