8-тӥ тулыспалысен 13-тӥ куарусёнозь 2026-тӥ арын Удмуртиын бадӟым ужрад ортчытэмын луоз – VI Конфессиос куспын спартакиада. Конфессиос куспын спартакиада адямиосты огазея, пӧртэм вӧсьбур, йӧскалык но политика тодметъёс шоры учкытэк. Ужрад Россиысь калыкъёслэн огъя луэмзылэн арез улсын ортчоз, кудзэ кунмылэн Азьмуртэ Владимир Путин юнматӥз.

Отӥськомы ваньзэсты пыриськыны та яркыт тунсыко ужрадэ, ужпумез кудӥзлэн спорт вормонъёс сяна пӧртэм конфессиос куспын герӟетъёсты юнматон. Та ужпумъёс «Семья» йӧскалык ӵектослэн азьмугъёсызлы тупало.

Программае куинь видъем спорт пыртэмын пӧртэм арлыдлы:

✅Куасэн бызьылонъёс – 8-тӥ тулыспалэ 2026-тӥ аре, Г.А. Кулакова нимо спорт комплексын.

✅Капчиатлет кросс – 14-тӥ инвожое 2026-тӥ аре, С.М. Киров нимо паркын.

✅Северной амалэн ветлон – 13-тӥ куарусёнэ 2026-тӥ аре,Драгунов оружейник нимо скверын.

Ӵошатсконъёсы пыриськыны ӧтисько Удмуртиысь пӧртэм конфессиосысь оскисьёс. Пыриськон понна эмчиен юнматэм заявка кулэ, озьы ик шӧдтэм учыръёслэсь утетъя полис. Заявкаосты sport_vera18@mail.ru келяно кулэ:

— куасэн бызьылонъёсы – 4-тӥ тулыспалозь 2026-тӥ аре;

— капчиатлет кроссэ – 10-тӥ инвожоозь 2026-тӥ аре;

— северной амалэн ветлонэ – 9-тӥ куарусёнозь 2026-тӥ аре.

Куасэн бызьылонын но капчиатлет кроссын котькуд арлыд группаын вормисьёс пусъемын луозы, соослы УЭ-ысь Спортъя но мугор лулчеберетъя министерство дипломъёс но медальёс сётъялоз. Северной амалэн ветлонэ пыриськисьёс ваньзы медаль кутозы. Тужгес но трос лыдъем луись командалы кубок кузьмалозы, кудӥз арысь аре мукетъёсызлы сётъямын луоз, нош тужгес но мыло-кыдоосызлы – синпелет кузьымъёс.

Ужрадлэн радъясьёсыз – Ижкарысь епархия, УЭ-ысь Йӧскалык политикая министерство, Мугор лулчеберетъя но спортъя министерство.