Вожвылъяськонэ ас ужъёссэс профессиональной туспуктӥсьёс но ас мылкыдъя вырисьёс 18 аресысен келяны быгато, улон интыез, ужанниез, ныл яке пи луэмез лыдэ басьтытэк.

Вожвылъяськон таӵе номинациосъя ортчытӥське:

1. «Синпӧртмо инкуазь»

Куазьсуред фотографиос, кудъёсыз паймымон суредъёсты, ӟуч инкуазьлэсь чеберлыксэ, адямилэсь «ватскем» интыосты, кыр инкуазез (нюлэсъёс, шуръёс, тыос, возьёс, гурезьёс но мукет) возьмато. Туспуктэмъёсын пӧйшуръёс но тылобурдоос луыны быгато.

2. «Ымныръёс но поколениос»

Туссуред пуктэмъёс (огнын, ӵошен яке трос кузя), кудъёсыз йӧскалык аспӧртэмлыкез возьмато но ӟуч сямез, аспӧрмослыкез, адямилэсь малпаськытӥсь лулзэ усьто.

3. «Бадӟым кунлэн сям-йылолъёсыз»

Репортаж жанрен туспуктэмъёс, кудъёсыз калыкъёслэсь этнической аспӧртэмлыксэс усьто; калыкъёс, кудъёсыз туала технологи но ивортодэт дауре ӧз ыштэ ас узырлыксэс: сям-йылолъёссэс, выжыысь выжые мынӥсь трос дауръем герӟетъёссэс (йӧскалык шулдыръяськонъёс, сюанъёс, вашкала йылолъёс).

4. «Архитектура но скульптура»

Устолык синпелетъёсты возьматӥсь фотографиос, кудъёсыз калыкъёслэсь сям-йылолъёссэс утьыса возё но ӟуч зодчестволэн кылдэмез сярысь мадё. Озьы ик лыдэ басьтӥсько туала архитектура юртъеръёслэн туспуктэмъёссы, кудъёсыз вашкала ӟуч лулчеберетлэсь тодметъёссэ утё но йӧскалык аспӧртэмлыкъёссэ возьмато (паймымон юртъёс, скульптура, борддор живопись, вандылыса чильпам палисадник но мукет).

5. «Семья дунлыкъёс»

Туспуктэмъёс (огнын, ӵошен яке трос кузя), кудъёсыз Россиысь пӧртэм семьяослэсь йӧскалык аспӧртэмлыкъёссэ возьмато но сям-йылолъёсты, дунлыкъёсты усьто.

6. «Лулпуш герӟетъёс»

Туспуктэмъёс (огнын, ӵошен яке трос кузя), озьы ик куазьсуредъёс, кудъёсыз ӟуч лулчеберлык цивилизациез, аспӧрмослыксэ но цивилизаци сюрессэ усьто (авторской туспуктэм, вӧсьлыко интыослэн но вӧсьбур арбериослэн туспуктэмъёссы).

7. «Трос калыкъем Москва»

Туспуктэмъёс, кудъёсыз Москваез сыӵе кар шуыса возьмато, кытын пӧртэм йӧскалыко адямиос уло, ужало но шутэтско. Фотографиосын Россилэн шоркарезлэсь, кудӥз трос пӧртэм калыкъёслы юрт луиз, аспӧртэмлыкъёссэ возьматыны кулэ. Москва – со инты, кудаз Ӵукпал но Ӝытпал, Уйпал но Лымшор огинэ вуо. Вожвылъяськонлы сӥзем туспуктэмъёсын возьматыны тыршоно трос йӧскалыко Москвалэсь лулпушсэ но образзэ.

Ваньмаз номинациосы пыриськыны яра, котькуд номинациын одӥгысен витёзь туспуктэм поттыны луонлык вань.

Котькуд пыриськисьлэсь куамын вить фотографизэ кутыны яра. 2018-тӥ арлэсь вазьгес лэсьтэм туспуктэмъёс вожвылъяськонэ уг пырисько.

Вожвылъяськонэ заявкаос 5-тӥ коньывуонозь кутӥсько.

Финалэ потэмъёсты 20-тӥ коньывуонэ тодыны быгатоды та вотэсбамысь: http://www.rucivilization.ru

Вожвылъяськонэн но солэн ужпумъёсыныз тодматскыны, заявка келяны нимысьтыз вотэсбамын быгатӥськоды.