21-тӥ гудырикошконэ Сьӧлта черкогуртын «Территория дружбы» этнофестиваль ортчоз.

Та фестиваль «Удмуртия – асьмелэн огъя дормы»( «Удмуртия – наш общий дом») ӵектосэ пырись ужрад. Муниципал кылдытэт сое радъяны субсиди утӥз. Фестивальын куноосты возьма фольклор коллективъёсын дасям концерт, йӧскалык сиён-юонъёс, пӧртэм пумо вожвылъяськонъёс, мастер-классъёс, калык шудонъёс, нылпиослы нимысьтыз площадка ужалоз.

Ужрадэз ортчыто: «Сьӧлта ёрос» муниципал кылдытэт Администрацилэн Егитъёсын ужан политикая, физкультурая но спортъя ёзэтэз, Лулчеберетъя ёзэтэз, Егитъёслэн «Спектр» центрзы. «Удмуртия – наш общий дом» ӵектос радъяське Удмурт Элькунысь йӧскалык политикая министерство юрттэмъя.