10–11-тӥ шуркынмонэ 2022-тӥ аре Саранскын финно-угор калыкъёслэн интеллектуал творчествозылы сӥзем Улоскуспо фестиваль ортче.

Фестиваль йӧскалык кусыпъёсъя Федерал агенстволэн юрттэмезъя «Ассоциация финно-угорских народов Российской Федерации» Россиякуспо мерлык движениен ортчытӥське.

Пыриськисьёс – Россия Федерациысь улосвылъёсын улӥсь финно-угор но самоди калыкъёслэн усточиоссы, кудъёсыз, ӟуч кылэ берыктыса, анай кылынызы творческой ужъёс кылдыто.

Ужрадлэн сиё-дано усьтонэз 10-тӥ шуркынмонэ 10.00 ч. Мордваысь кун йӧскалык драматической театрын вал.

Фестивальлэн программаяз: Россия Федерациын анай кылынызы гожъяськисьёсты дасян ужпумъя панельной дискуссия, кылбурет но проза удысъёсъя мастер-классъёс, кутскись гожъяськисьёс понна чеберлыко берыктонлы сӥзем семинаръёс.

Ужрадлэн ужпумез: Россия Федерациысь калыкъёслы этнокультура, лулпуш но интеллектуал удысъёсъя азинсконлы юрттон, юн визьмо гожъяськисьёсты шедьтон, туала литератураез калык пӧлы вӧлмытон.

Та фестиваль ӵектос (проект) шуыса ортчытӥське, угось ужрад 2022-ӥз ар понна Россия Федерациысь кун йӧскалык политика удысын тыршись коммерциен герӟаськымтэ огазеяськонъёслы но федерал йӧскалык лулчеберетъя автономиослы юрттон понна федерал коньдэтысь висъям субсидиен быдэстӥське.