Сарапулын егитъёслэн йӧскалыккуспо «Прикамские перезвоны» нимо IV кар фестивальзы ортчиз. Татчы 120-лэсь трос адями пыриськиз – дышетскисьёс, студентъёс, «КБЭ XXI века», «Элеконд» но «Сарапульский радиозавод» акционер огазеськонъёсын ужась егитъёс. Фестивале пыриськисьёс арлыдзыя кык группалы люкемын вал: 14-18 аресъем егитъёс но 19-28 аресъем егитъёс. Ӵошатскон мынӥз таӵе номинациосъя: «Йӧскалык кырӟан», «Йӧскалык эктон», «Анай кылын вольыт лыдӟон», «Эскерон уж».

Дунъясьёслы капчи ӧй вал котькуд номинациын тужгес но усто егитъёсты бырйыны. Педагогикая колледжысь студентъёс паймытӥзы «Вьюн над водой» кырӟанэз быдэстэменызы, бӧрысь огзэс огзы вошъязы пор, бигер, удмурт гуръёс. Туж быгатыса, сюлме пырымон лыдӟемын вал анай кылын кылбуръёс. Йылпумъяськиз фестиваль пор, бигер, удмурт но ӟуч эктонъёсын-тыпыртонъёсын.

Та нуналэ котькуд лыктэм адямилы луонлык кылдӥз бускель калыкъёслэн лулчеберетэнызы тодматскыны . Котькуд калык, нимаз адями кадь ик, ас сяменыз тунсыко но чебер. нош ваньмы ӵош – эшлыко хоровод.