Удмурт Элькунысь йӧскалык политикая министерстволэн кивалтӥсьёсызлэн элькунысьтымы мерлыко огазеяськонъёслэн азьветлӥсьёсыныз пумиськылонэз – министерстволэн одӥгез валтӥсь ужез.

Арнялы быдэ министерсволэн кивалтӥсьёсыз пумиськыло каръёсысь но ёросъёсысь мерлыко огазеяськонъёслэн азьветлӥсьёсынызы. Та вачевераськонын ӧнерчиос асьсэ ужзылы калыклэсь дунъет басьто, озьы ик лэчыт ужпумъёсты, калыклэсь кулэяськонзэ эскеро.

26-тӥ гудырикошконэ таӵе пумиськон ортчиз Сарапулын. Удмурт Элькунысь йӧскалык политикая министрлэн нырысетӥ воштӥсез П.А. Орлов но министрлэн воштӥсез Л.Ю. Соковикова мерлыко огазеяськонъёслэн азьветлӥсьёсынызы йӧскалык югдур сярысь вераськизы , мерлыкез эскеронъёслэн йылпумъянъёсынызы тодматӥзы, министерстволэн планъёсыныз но ӵектосъёсыныз тодматӥзы.

Куарусён – шуркынмон толэзьёсы министерство партнёръёсыныз ӵош (мерлыко огазеяськонъёс, тодосчиос, экспертъёс) семинаръёс, форумъёс, вожвылъяськонъёс ортчытыны малпа. Кылсярысь, 18-19-тӥ куарусёнэ Калыкъёслэн Эшъяськон юртазы йӧскалык политикая удысысь Ванёсъёсъя центрлэн ужезлы сӥзем семинар радъяськоз. Та толэе ик министерстволэн но Калыкъёслэн Эшъяськон юртсылэн ӧнерчиоссы, мерлыко огазеяськонъёслэн кивалтӥсьёссы Пермын ортчись йӧскалык огазеяськонлы сӥзем форуме пыриськозы. Коньывуон – шуркынмон толэзьёсы Ванёсъёсъя центрлэн ивортодэт вӧлмытон ужезезлы сӥзем семинар радъяськоз, озьы ик Приволжской федерал округысь егитъёслэн мерлыко огазеяськонъёссылэн азьветлӥсьёссылы семинар ортчоз. Со сяна, шуркынмон толэзе министерство мерлыко рекламая ялэм вожвылъяськонэзлы йылпумъянъёс лэсьтоз.

Министерство тау кариз «Электрон – Центр возрождения и развития национальных культур» лулчеберет дворецлэн онерчиосызлы. Татын ужасьёс элькунамы улӥсь калыкъёслэсь кылзэс, лулчеберетсэс, сям-йылолъёссэс утёнлы сӥзем ужрадъёс ортчытъяло. Соос калыкез огазеяны, тунсыкъяськытыны быгато. Туннэ нунал понна ужъюртын 24 коллетив ужа, соослэн ужазы пырисько 576 адями. Огъя Сарапулысь клубъёслэн но мерлыко огазеяськонъёслэн ужазы пырисько 2000-лэсь ятыр адямиос. .

Люкаськем азьветлӥсьёс асьсэлэсь малпанъёссэс но сюлэмшугъёссэс веразы. Соос ӵектӥзы бигер кылэз дышетӥсь класъёслэсь лыдзэс тросатыны, озьы ик йӧскалыккуспо ужрадъёс ортчытыкузы соослы кулэ луо крезьгурен ужасьёс. Министерстволэн кивалтӥсьёсыз но мерлыко огазеяськонъёслэн азьветлисьёссы оско калыклэсь кулэяськонзэ валан, сооты быдэстыны тыршон, мерлыко огазеяськонъёсты азинтон йӧскалык кусыпъёсты юнматыны юртозы шуыса.