29-тӥ инвожое Каракулино ёросысь Усть-Сакла гуртын пор калыклэн «Семык» праздникез ортчоз. Туэ со 19-тӥ ползэ радъяське ини.

Шулдыръяськонэз ортчыто «Одо Мари Ушем» мерлыко огазеяськон, Удмурт Элькунысь йӧскалык политикая министерство, Калыкъёслэн эшъяськон юртсы, «Каракулино ёрос» муниципал кылдытэтлэн администрациез.

Празднике Ижкарысь, Алнаш, Грак, Камбарка, Кияса, Кизнер, Пичи Пурга, Сарапул, Сюмси ёросъёсысь делегациос но коллективъёс вуозы. Со сяна Марий Эл но Башкортостан улосъёсысь куноос öтемын.

Куноосты вите вӧсям ӝук, шулдыр концерт, калык шудон-серектонъёс, батыръёслэн ӵошатсконзы, элькунысьтымы кибашлыослэн ужъёсынызы вузкарон.

Программа:

09.30 – «Кумалтыш» – вӧсяськон;

09.30 – 10.30 – «Вашлиймаш» – куно пумитан;

10.30 – 11.00 – Делегациослэн гуртэтӥ ортчонзы;

11.00 – 12.00 – Праздникез усьтон;

12.00 – 15.00 – Площадкаослэн ужзы:

· «Марий патыр» – пор батыръёслэн ӵошатсконзы;

· «Йоча модыш вер» – нылпи площадка;

· «Нарлык вер» – спорт площадка;

· «Мастарлык ола» – кибашлыослэн ужъёсынызы возьмаон;

13.00 – «Кечывал кочкыш» – ӝук сиён;

15.00 – 15.30 – Праздникез йылпумъян.

Ватсаса ивортодэт басьтыны луэ таӵе телефонъёсъя:

(3412) 68-77-98 – Васева Вера Васильевна, Удмурт Элькунысь йöскалык политикая министерствоысь ӧнерчи;

(3412) 63-10-21 – Папаева Виктория Викторовна, Калыкъёслэн эшъяськон юртысьтызы öнерчи.