30-тӥ куартолэзе Каракулино ёросысь Ныргында гуртын «Семык» (0+) элькун шулдыръяськон ортчоз. Шулдыръяськонлэн сӥё-дано усьтонэз 11:00 часын кутскоз. Ужрад 2026-тӥ арлэн, кудзэ Владимир Путин Россиысь калыкъёслэн огъя луэмзылэн ареныз юнматӥз, яркыт ужрадэз луоз. Со сяна, ужрад гожъясьчилэн, дышетӥсьлэн но мерлыко ужасьлэн Илья Токмурзин-Ломберскойлэн котырес лыдпусэзлы сӥземын.

Семык – пор калыклэн вашкала праздникез, кудӥз гужем вуэмен герӟаськемын. Солэн инъетаз – ӵыжы-выжы, гурт возёс но семья кусып обрядъёс луо.

Сӥё-дано ужрад 11:00 часын кутскоз. Отчы пыриськыны ӧтисько элькунысь, бускель ёросъёсысь делегациос, пор мерлыко огазеяськонъёсысь ёзчиос но куноос. Элькунысьтымы улӥсьёслэн та ужрадэ пыриськемзы лулчеберетэз утёнлы но азинтонлы юрттэ, со «Семья» йӧскалык ӵектослэн азьмугъёсызлы тупа.

Таизлэн йӧскалык шулдыръяськонлэн валтӥсь тодметэз луоз «Куинь вынъёс – быдэслыклы куинь сюрес» («Три брата – три пути к единству»). Со тодмет бадӟым инты басьтэ гуртлэн лулчеберет улоназ, калык сям-йылолъёслэсь кужымзэ юнматоз.

Пужыятэм ӵушкон – шулдыръёськонлэн валтӥсь тодметэз, со куно пумитанлэн но эшлыко луонлэн пусэз луэ, праздникын ӵыжы-выжыос куспын «эшъяськонлэн сюресэз» луоз .

Лыктэм куноосты мур пуштросо программа но мастер-классъёс возьмалозы. Илья Токмурзин-Ломберскойлэн 130 тырмонэзлы сӥзем митинг но «Кечывал кочкыш» сэбед нуназеян бере площадкаос ужаны кутскозы. Адӟытонын ӧнерчиос ужъёссэс возьматозы но мастер-класс ортчытозы. «Йоча модыш вер» нылпиослы, «Мари кучедалмаш» пор нюръяськонъёсты яратӥсьёслы, «Рвезе тукым» егитъёслы площадкаос дасямын луозы. «Эн мотор, да уста марий ӱдыр» (Самая красивая и умелая марийская девушка) вожвылъяськонлы йылпумъянъёс лэсьтэмын луозы, собере йӧскалык дӥсен дефиле. Радъямын луоз «Поян илыш-йула – ик оян калык» (Богатые традиции – единый народ) концерт.

Семык шулдыръяськонлэн радъясьёсыз – УЭ-ысь Йӧскалык политикая министерство, Калыкъёслэн Эшъяськон юртсы, «Удмурт Элькунысь поръёслэн йӧскалык-лулчеберетъя автономизы»,  «Одо Мари Ушем», «Ӱжара» мер огазеяськонъёс но Каракулино ёрослэн администрациез.