«Шудком» визьбур клуб 3-тӥ сезонзэ усьтэ! Нырысетӥ шудон ортчоз 27-тӥ тулыспалэ 19.00 часэ «Вмясо» кафеын (Карл маркс ур., 206).

Тодады вайытом, шудон радъяське удмурт егитъёслэн «Шунды» мерлыко огазеяськонзылэн кичӧлтэменызы. Нырысетӥ шудон ортчиз 2016-тӥ арын. Котькуд шудонэ 20-лэсь ятыр команда люкаське. Шудон ӵоже 27 юанъёслы валэктон сётоно, малпаськыны 1 минут дыр сётӥське. Шудонэз, дышем сямен, нуоз Александр Бикузин. Нырысетӥ но кыкетӥи сезонын вормисе потӥз «Валамон Паримон» команда. Оло таяз радэ соосыз кин ке вормыны быгатоз ?

Ватсаса юалляськоно таӵе телефонъя: 8 951 21835 33 (Чернова Алина Владимировна – «Шунды» мерлыко огазеяськонлэн тӧроез).