29-тӥ куарусёнэ «Kovёr» караоке-клубын «Шудком» визьбур клублэн куинетӥ шудоназ радъяськоз.

Тодмо «Что? Где? Когда?» телепередачаын сямен ик, командаос пӧртэм тунсыко юанъёслы валэктон утчалозы. Одӥг минут ӵоже 6 визьлюкъёс юанлы валэктон шедьтыны кулэ.

3-тӥ шудонын визьзэс эскерыны мылкыд каризы таӵе командаос:

• “Удмурт дунне” команда, капитанзы – Зинаида Рябинина;
• Историяя, кылъя но литературая удмурт институтысь тодосчиослэн «Кынкорт» командазы, капитанзы – Александр Егоров;
• ГТРК “Удмуртия”-ысь журналистъёслэн “Кыло-ымо” командазы, капитанзы -Настасья Петрова;
• “Шундылэн” выль правлениезлэн “Дырыз дыръя” командаез, капитанзы – Максим Агафонов;
• Егит активистъёслэн “Кызьыайсо” командазы, капитаназы – Богдан Анфиногенов;
• Студентъёслэн-эшъёслэн “Ю-тыщ” командазы, капитанзы – Антон Лекомцев;
• Удмурт кылосбуръя, финно-угроведения но журналистикая факультетысь студентъёслэн “Рос-прос” командазы, капитанзы – Анна Шарыпова;
• Дэри ёросысь “Шунды” ёзэтлэн “Усьтыр-табыр” командаез , капитанзы – Наталья Казакова;
• Легендарной “Валамон-паримон” команда, капитаныз – Юрий Мишкин.

Люкаськемъёслэсь мылкыдзэс ӝутоз егит кырӟась Юлия Гаврилова!