25-тӥ коньывуонэ 19:00 часын Калыкъёслэн эшъяськон юртазы “Шудком” визьбур клублэн 4-тӥ шудонэз луоз.

Ачиз сярысь клуб нырысьсэ вераз 2016-тӥ арын. Пумиськонъёс ортчылӥзы толэзьлы быдэ ӟуч «60 секунд» шудон сямен. Шудонлэн нырысетӥ сезоназ вормиз Ижкарысь «Валамон-Паримон» команда. Кыкетӥ луиз «Кынкорт», куинетӥ — «Кыло-ымо».

Татын пӧртэм юанъёс пумисько: одӥгъёсыз эскеро тынэсьтыд котыр ласянь тодонъёстэ, мукетъёсыз малпаськыны быгатэмдэ, удмуртлыкен но герӟаськем юанъёс пумисько.

Нош ӝытэз дышем сямен нуоз шугъяськытӥсь юанъёсты усто сётъяны быгатӥсь Александр Бикузин.

Шудонэ пыриськон понна 6 адямилэсь команда люкано но udmshundy@mail.ru почтае заявка келяно. Отын пусъёно командалэсь нимзэ, пыриськись адямиосты но герӟетъёсты.