Удмурт егитъёслэн мерлыко «Шунды» огазеяськонзы «Лаборатория Шунды» проектсэ азьланьтэ. «Лаборатория Шунды»» программа удмурт егитъёслы асьсэдыз возьматыны, выль тодон-валан басьтыны, ог огенызы но шоркарысь азьветлӥсьёсын кусып возьыны бадӟым луонлык сётэ.

«Шунды» дэменлыке пырись удмурт егитъёс-активистъёс одӥг нуналлы потало ёросъёсы но каръёсы. Программалэн тодон-валан сётӥсь люкетаз – огазеяськонлэн уженыз, проектъёсыныз тодматон, дышетон семинаръёс, выставкаос но тодмо адямиосын пумиськонъёс радъян. Шулдыръяськон люкетаз удмурт калык шудонъёсын, пӧртэм ӵошатсконъёсын, егит кырӟасьёсын но нуисьёсын дискотекаос ортчо. Ваньмыз та удмурт крезьгур жингыртэмъя.

2013-тӥ арын егитъёс вуылӥзы Якшур-Бодья ёросысь Кекоран черкогуртэ, Кияса ёросысь Ермолаевое, Дэри ёросысь Выль Казмас гуртэ, Шарканысь Мувыре, Селтаысь Выль Монья гуртэ, Якшур-Бодьяысь Мукшие.

Нырысетӥзэ 2014-тӥ ар понна шундыосты пумиталоз Алнаш ёросысь Чем-Куюк гурт. Программаын: дэменлыклэн уженыз тодматон, мастер-классъёс (гитараен шудыны дышетон, удмурт эктонъёс но шудонъёс, актёр мастерство, вокалъя мастер-класс), удмурт позыръяськон.

Вань юанъёсъя вазиськыны быгатоды:

89048371433 Ольга Тронина («Шунды» огазеяськонлэн правлениезлэн тӧроез)