28-тӥ толшоре удмурт егитъёслэн «Шунды» мерлыко огазеяськонзы Калыкъёслэн Эшъяськон юртазы ёросъёсысь ёзэтъёсызлэсь кивалтӥсьёссэ люкалоз.

Семинар ёросъёысь ёзэтъёслэсь ужзэс радъянлы, азинтолы сӥземын. Ижкаре вуозы Эгра, Красногорск, Шаркан, Вока, Дэри, Алнаш, Грак, Можга, Пичи Пурга, Якшур Бӧдья, Ува, Яр, Кизнер, Глаз, Кияса ёросъёсысь егитъёс.

Семинар радын ортчоз огазеяськонлэн кенешез. Татын Вань удмуртъёслэн XIII отчамазылэн резолюцияз пыртыны ӵектонъёс дэмлалозы, огазеяськонлэн ужъёсызлы йылпумъянъёс лэсьтонъя но кивалтӥсь быръёнъя конференциез ортчытыны дыр пуктозы.

Со сяна егитъёс пыриськозы «Егитъёслэсь ӵектосъёссэс еросъёсын азинтон но вӧлмытон» темая тренинге. Азьветлӥсьёсын ужалоз Габдуллина Анна Вадимовна, «Штабе городских проектов «ЛИФТ» огазеяськонлэн проектъёсъя кивалтӥсез.

Вань юанъёсъя вазиськоно таӵе телефонъя: 8 951 218 35 33 (Чернова Алина Владимировна – правленилэн ёзчиез )