Удмурт Элькунлэн палэназ улӥсь удмуртъёсын кусыпъёсты юнматон, удмурт кылэз, лулчеберетэз, сям-йылолъёсты утён но азинтон вылысь, 25-тӥ шуркынмонэ Свердловск улосын (Екатеринбург к.) удмурт кылэз дышетонын кутӥськись туала методикаосын тодматонъя, этнохореографияя, кырӟанъя но сцена вылэ потыны костюм дасянъя мастер-классъёс ортчозы.

Таӵе мастер-классъёслэн ужъёссы чакламын:

– «Удмурт кылэз дышетонын туала методикаосты кутон», модераторез – А.В. Герасимова, «Пичи пурга черкогуртысь гимназия» ОМУ -ысь удмурт кылъя дышетӥсь;

– «Этнохореография», модераторез – Н.Н. Чиркова, Удмурт Элькунысь «Признение» премилэн лауреатэз, «Калык эктонъя «Чебеляй» студия» образцовой коллективлэн кивалтӥсез;

– «Кырӟан», модераторез – О.В. Перевозчикова, «К. Герд нимо Удмурт кун йӧскалык гимназия» УЭ КВОУ-ысь ватсаса тодон-валан сётонъя дышетӥсь, «Крезь куара» фольклор ансамбльлэн кивалтӥсез;

– «Сцена вылэ потыны костюм», модераторез – В.Ю.Федорова, Элькунысь устолыкъёсъя нылпи школаысь методист, крезен шудыны дышетӥсь;

– «Удмурт кылэз но лулчеберетэз азинтонлы сӥзем проектъёсын тодматон» , модераторез – Е.В. Ложкина, Удмурт Элькунысь йӧскалык политикая министерствоысь валтӥсь ӧнерчи-эксперт.

Мастер-классъёсы пыриськозы Свердловск улосысь мерлыко огазеяськонъёслэн азьветлӥсьёссы, арня нуналэ дышетскон удмурт школаосысь дышетӥсьёс, фольклор коллективъёслэн ёзчиоссы.