Глаз ёросын, Удмурт Элькунысь йӧскалык политикая министерство коньдон висъямен, егитъёслэн йӧскалыккуспо «Сокровище нации» («Калыклэн байлыкез») форумзы ортчиз.

Гужем Глаз ёросысь гуртъёсын та ужрад улсын фольклорной экспедици ортчиз. Егитъёс люказы нылпи шудонъёсты, мадиськонъёсты, лыдъяськонъёсты. Бичам материалъёсты сэрттӥз-пертчиз лаборатория. Та ужлэн йылпумъянэз луиз калык шудонъёсын “В каждой избушке свои игрушки” нимо бичет но «Сокровище нации Глазовского района» фильм.

Фольклорысь пичи жанръёсын тунсыкъяськытон вылысь, ёросын йӧскалыккуспо акци «Все мы дети Удмуртии» радъяськиз. Кудӥз улсын Лулчеберет юртъёсын котырес ӝӧкъёс ортчизы.

14-тӥ шуркынмонэ Глаз ёросысь Пусошур гуртын «сейф» шудон радъяськиз. Шудонэ «Адамское», «Качкашурское», «Куреговское», «Штанигуртское», «Ураковское» муниципал кылдытэтъёсысь 100-лэсь ятыр егитъёс пыриськизы. Шудон куинь этаплэсь сылэ: 1. Тодматскон; 2. Сейф-этап; 3. Калык эстафета.

Тодматскон ортчем бере шудӥсьёслы Пусошур гуртэн пӧртэм сэрегъёсаз интыяськем 9 сейф этапъёсты ортчон луиз. Командаос оген кышномуртлэсь пузэ пилизы; шудэз утись мунё лэсьтӥзы; «Светит месяц» ӟуч эктон дышетӥзы; перепеч пӧраны кулэ луись сиёнъёсты магазинын вузчилэсь удмурт кылын куризы; бесермянъёслэн калык дӥськутэнызы тодматскизы; Быдӟым Атыкай ожъя юанлы валэктон сётӥзы; ыжгон черсыны дышетскизы; гурын табань пыжизы; бигеръёслэн улэм-вылэменызы, лулчеберетэнызы тодматскизы. Финишын командаос огазе бичазы «В каждой избушке свои игрушки» книгалэсь бамъёссэ, кудъёссэ соослы котькуд ужез быдэстэмзы потта сётӥзы.

Форумез азьланьтӥз калык эстафета. Татын эскеризы карнанэн ву нуллыны, гынсапеген бызьылыны быгатэмзэс.

Вань командаосты огазеяз «Сям-йылолъёсын сейф». Сое ватӥзы клуб вӧзы. Усьтозы со сейфез 2030-тӥ арны шудонэ пыриськисьёс но со вакытысь егитъёс. Йылпумъяськиз ужрад огъя хороводэн, кытын дышетӥзы пӧртэм калыкъёслэсь эктонъёссэс.

Форумын вормисе потӥзы: I инты – -Сепычкар гуртысь команда , II инты – «Адамское» муниципал кылдытэтлэн командаез; III инты -«Штанигуртское» муниципал кылдытэтлэн командаез. .