Удмурт  Элькун Сберен кутскем ужзэ азьланьтоз йӧскалык крезьгуръя цифровизациез. SymFormer (СимФормер) нейровотэс выль уж борды басьтӥськиз – «Брангуртысь песянайёс» коллективлы крезьгур гожтыны.

Та нырысетӥез ӵош лэсьтэм ӵектос ӧвӧл. Искусственной интеллект Москваын ортчем Гербер шулдыръяськонлы крезьгур дасяз. Крезьгур ВДНХ-ын 5-тӥ пӧсьтолэзе шудӥз Герберлэн валтӥсь сцена вылаз артистъёслэн кырӟанъёссы вискын.

Ӵектослэн кутсконаз нейровотэс эскероз «Брангуртысь песянайёс» коллективлэсь крезьгуръёссэс, собере зажание кылдытэмын луоз, кудӥз искусственной интеллектэз шонер ӧре вуттоз. Ӵектослэн мукет люкетаз крезьгуръёсты удысужлыко крезьгурчиос эскерозы но пумаз «Брангуртысь песянайёс» коллектив аслэсьтыз малпанзэ вералоз.