2-тӥ пӧсьтолэзе Кез ёросысь Кулига черкогуртын ньылетӥ ползэ радъяськиз ӟуч старообрядческой лулчеберетлы сӥзем «Истоки КАкиеМЫ?» Улосвылкуспо фестиваль.

Ужрадэ пыриськизы Удмуртиысь но бускель улосъёсысь коллективъёс. Туэ фестиваль сюкасьлы сӥземын вал, угось ӟучъёслэн со тужгес но яратоно юонзы. Фестивальлэн валтӥсь ужпумез – старообрядческой лулчеберетэз утён.

Калыкез та бадӟым шулдыръяськонэн ӟечкылазы С.С. Фефилов, Удмурт Элькунысь ӟуч лулчеберетъя огазеяськонлэн кивалтӥсез, В.В. Васева, Удмурт Элькунысь йӧскалык политикая министерствось ӧнерчи, Дэбес, Якшур-Бӧдья, Красногорск ёросъёсысь муниципал кылдытэтъёслэн тӧрооссы.