Азьвылгес, куартолэзе, ужрадэ пыриськисьёс тодон-валанзэс таӵе темаосъя ӝутӥзы вал ни:
⦁ «Код БЕЗопасности»: ксенофобия но экстремизм профилактикая интерактивной амалъёс;
⦁ «Каждый важен»: школаын ултӥян пумысен интерактивной амалъёс;
⦁ «Школа защитников прав трудовых мигрантов».

Быдэс гужем пыриськисьёс аттестационной уж бордын тыршизы. Соос пӧлын: ксенофобия но экстремизм профилактикая дась кейсъёс, кунгожсьӧрысь вуэм кунмуртъёслэн адаптацизы, школаосын ултӥянлы пумит луон но мукет.

Кык нунал куспын форуме пыриськисьёс асьсэлэсь ужъёссэс утьыса, квалификациез ӝутон пумысен удостоверение басьтозы.
Ужъёсты Москваысь но Санкт-Петербургысь вуэм ӧнерчиос дунъяло.

Форумлэн сӥё-дано усьтон программаяз Александр Филатов, Удмурт Элькунысь йӧскалык политикая министрлэн воштӥсез, пыриськиз.