21-тӥ южтолэзе 17.00 часэ «Железнодорожник» лулчеберет юртын Новрузлы сӥзем концерт ортчоз. Татчы люкаськозы таджикъёслэн «Ориён-Тадж» мерлыко огазеяськонзылэн ёзчиосыз, соослэн семьяоссы, мукет мерлыко огазеяськонъёслэн кивалтӥсьёссы.

Новруз – выль нунал, григориан календаря выль арлэн кутсконэз. Таджикъёс понна та бадӟым праздник. Соин ик соос азьпаласен дасясько солы. Та нуналэ ӝӧк вылын валтӥсь сиён “суманак”. Вашкала дырысен суманакен пурты котыре огинэ люкаськылӥзы бӧлякъёс, эшъёс, бускельёс. Огзы бере огзы соос кырӟзаса суразы путрыез. Вань на тунсыко йылол «хафт син» яке «хафт шин», кудӥзъя та нуналэ ӝӧк вылын сизьым пӧртэм сиён луыны кулэ, ваньзы соос араб «син» но «шин» букваосын кутскыны кулэ. Соин ик таджикъёслэн ӝӧк вылазы суманак, сумот, самбуса (пирожки), сабзи (морковь), санджид, себ (яблоко) но мукет. Корка шоры пуктэмын луо сюсьтыл – югытлэн но шудлэн пусэз, озьы ик вож турын – шумпотонлэн но шулдыръяськонлэн пусэз.

Ватсаса ивортодэт: 68-77-98.

Туспуктэм: https://tjk.rus4all.ru/

Пыр-поч ивортодэт: https://udmddn.ru/announcement/2049/