Россиысь ФАДН егитъёслы сӥзем йӧскалыккуспо «Диалог культур» лагерьлэсь усьтӥськемзэ ялэ.

21-25-тӥ инвожое мыло-кыдо егитъёсты, таланто коллективъёсты но вань мылкыд карисьёсты йӧскалык ӵектосэ ӧтиськомы! Ужрадэз Россиысь ФАДН но Чуваш Элькун Тӧрлык радъяло.

Ӵектослэн азьмугъёсыз:

– пӧртэм калыкъёс пӧлысь визьмо но таланто егитъёсы (инструментъёсын шудӥсь, тунсыко техникаосты, амалъёсты кутӥсь) утчан;

– Россия Федерацилэсь нимо-дано ӟеч вылтуссэ юнматон, шаерамы улӥсь калыкъёслэсь сям-йылолъёссэс, кылзэс дышетонлы тунсыкез ӝутон;

– калыкъёсын но улосвылъёсын огкылысь ужанэз юнматон;

– егитъёслэсь но творческой коллективъёслэсь быгатонлыкъёссэс азинтон но калык пӧлы вӧлмытон;

– йӧскалык лулчеберет удысысь дышетӥсьёслэсь быгатонлыкъёссэс ӝутон;

– йӧскалык лулчеберетэз мерлык пӧлын пыӵатон.

Лагерь 2 этап пыр ортчоз: быръён но дышетскон

Быръён этапе пыриськон понна йӧскалык дӥськутэн творческой номерез (3 минутозь) видеое пуктоно но быръем номинацие www.dialogculture.ru вотэсбаме поттоно.

Дунъясьёс келям ужъёс пӧлысь 150 тужгес но ӟеч ужъёсты быръёзы но авторъёссэс лагере ӧтёзы.

Дышетон этап Чебоксары карын 21-25-тӥ инвожое ортчоз. Ужрадэ тодмо спикеръёс, тренеръёс но мукет куноос вуозы. Со сяна, пыриськисьёсты пӧртэм эстафетаос, челленджъёс, астэ азинтонлы сӥзем лекциос, тунсыко адямиосын пумиськонъёс возьмало. Та ужрадъёс сӥземын Россилэн история но этнокультура удысын пӧртэмлыко луэмезлы, кун йӧскалык политикалэн юанъёсызлы, калыкъёс вискысь кусыпъёслэн психологизылы.

Пыр-почгес www.dialogculture.ru вотэсбамын но «Диалог Культур» Положениын