8-тӥ гудырикошконэ  “Талисман” вузкарон центрлэн машина пуктыны чаклам интыяз  drive-in форматэн  Егитъёслэн “Тангыра” фестивальзы ортчиз.  Drive-in амалэн ортчись ужрадъёсын артистъёс сцена вылын кырӟало-экто, нош калык соосты аслаз  машиняз пукыса учке. Ужрадэ огъя 70 машина пусйиськиз.

Сцена вылэ потазы егитъёслэн группаоссы, кудъёсыз Россиын улӥсь калыкъёслэн кылъёсыныз крезьгуро композициос кылдытъяло: GAUGA (Татарстан), ЯлАР (Чувашия), У ЕН (Марий Эл), Шай-Май (Пермский край), Аrgymak (Башкортостан), Вobolenin (Удмуртия), Mordens (Мордовия).

Крезьгуро выступлениос сяна, туала этно-дизайнеръёслэн видеовозьматонзы ортчиз, радъямын вал киужъёсын  этно-вузкарон.

Туспуктэм: vk.com/tangyra