8-тӥ оштолэзе Калыкъёслэн эшъяськон юртазы «Татар кызчыгы, татар малае – 2023» нылпи вожвылъяськонлэн берпуметӥ этапез радъяськиз

Ужрадэ асьсэлэсь лулчеберетсэс гажась но яратӥсь усто бигер пиналъёс пыриськизы. Финалэ потэм 4 пи но 4 ныл анай-атайёсынызы ӵош сиён пӧрамзэс возьматӥзы, семья выжызы сярысь мадизы но калык эктонъёсын, шулангумы крезьгурен но пичи сценкаосын тодматӥзы.

Сӥё-дано концертэ 107-тӥ но 116-тӥ номеро нылпи садысь пиналъёс, Балезино ёросысь Падера гуртысь, Дэри ёросысь Вараксино чергогуртысь улосчиос, «Мирас» татар лулчебертъя Центрысь но «Асылъяр» татар кырӟанъя но эктонъя ансамбльысь ёзчиос пыриськизы.

«Татар кызчыгы-2023» титулэз Амиля Залялетдиновалы сётӥзы, «Татар малае-2023» – Имран Сулеймановлы. Соос 107-тӥ номеро нылпи садэ ветло.

Калыкъёслэн Эшъяськон юртсылэн ивортодэтэзъя.