«Тод милямъёсты» («Знай наших») Россиысь адӟымон будӥсь брендъёсъя вожвылъяськонэз Стратегической кичӧлтонъёсъя агентство но «Росконгресс» фонд радъяло ВЭБ.РФ юрттэмен. Ужрад сӥземын кунысь котькуд улосъёсысьтыз Россиысь адӟымон брендъёсты азинтонлы, со Россия Федерациысь Президентлэн куремезъя вӧлмытӥське.

Вожвылъяськон пичи но шоро-куспо ужбергатӥсьёслы сӥземын.

Пыриськыны быгато ужбергатӥсьёс, кудъёсызлэн огазеяськонъёссы:

• юн сыло но выллань будо,
• лэсьтӥськон-поттонзы улосвылын бадӟым инты басьтэ (30%-лэсь трос),
• лэсьтӥськон-поттонзы басьяськисьёс пӧлын паськыт вӧлмемын.

Озьы ик лыдэ басьтӥсько пыриськисьёслэн мер ӵектосъёссы но ас брендзэс улонэ паськыт вӧлмытыны тыршемзы.

Вормисьёсты эксперт жюри быръёз.

Тужгес но устоосыз брендъёс юрттэт басьтозы: лэсьтӥськон-поттонзэс вотэсын, ивортодэтэз вӧлмытонъя ёзэсъёсын но мукет выль медиа-интыосын (билбордъёсын, транспортын) паськыт вӧлмытон, озьы ик грант юрттэт, дышетскон программаосы но бадӟым ӧнерлыко ужрадъёсы дунтэк пыриськон.

Заявкаос 15-тӥ куартолэзёзь кутӥсько вотэсбамын идея.росконгресс.рф/brand