22-тӥ пӧсьтолэзе Россия Федерациысь Суредаськонъя академиысь Член-корреспондентлы, Удмурт Элькунысь устолыкъёсъя дано ужасьлы Григорий Леонтьевич Чайниковлы сӥзем ӝыт ортчиз..

Григорий Чайников туж ӧжыт улӥз. Вордӥськиз со 28 -тӥ шуркынмонэ 1960-тӥ аре Грак черкогуртын. Вавожысь шоръёзо школаез йылпумъям бераз Удмурт кун университетлэн географи факультетаз дышетскыны пыриз. Но кык ар дышетскем бераз кошкиз Москвае, Суредаськонъя кун институтэ пыриз. 1988-тӥ арын со Россиысь суредаськисьёслэн союззылэн ёзчиез луиз. Дышетсконзэ Ткачев агайёслэн мастерскойазы азьланьтӥз.

Солэсь ужъёссэ вылӥ дунъяллязы пӧртэм возьматонъёсын, аукционъёсын. 2000-тӥ арын со Россиысь Суредаськонъя академилэн ёзчиез. 2007-тӥ арын Искусствоосъя ӟуч галерея примия сётэ солы.

Григорий Чайников ужаз пӧртэм жанръёсын: пейзаж, натюрморт, портрет. Ваньмыз сямен солэн ужъёсыз музейёсын, нимысьтыз коллециосын. Творчествояз валтӥсь луэ портрет. Соос шоры учкыса валаны луэ адямилэсь харакерзэ.

Искусствоведъёс вылӥ дунъяло суредасьлэсь ужъёссэ, профессионалэн нимало сое. Но улонын ӵемысь озьы луэ, солэн суредъёсыз вордӥськем палъёсаз ӧвӧл, солэн творчесвоеныз но туж ӧжыт адями тодмо. Нош кунгож сьӧрын солэсь ужъёссэ туж ярато но дунъяло

Тодэ ваён ӝытэ люкаськизы Григорий Чайниковлэн ӵыжы-выжыосыз, эшъёсыз но тодмоосыз. Тунсыко вал кылзыны апаезлэсь Ангелина Леонтьевна Чайниковалэсь, братэзлэсь Сергей Леонтьевич Чайниковлэсь, Вавож ёрос тӧролэсь Татьяна Васильевна Иноземцевалэсь тодэ ваёнъёссэс..