20-тӥ толсуре Калыкъёслэн Эшъяськон юртазы егитъёслэн йӧслыккуспо «ЭТНОэксперт» шудонзылэн финалэз ортчиз.

Шудонлэн йылпумъян люктаз ёрос шудонъёсын вормем 8 командаос пыриськизы: «Оптимисты» (Ува ёрос), «Мозговой штурм» (Сарапул ёрос), «Бэмс» (Красногорск ёрос), «Герд выжыыос» (Вавож ёрос), «Тамада» (Глазкар к.), «Великолепная четверка» (Дэри ёрос), «Гуманитарии» (Сарапул кар) и «Сабуровцы» (Можгакар к.).

Шудон 5 этапен ортчиз. «Ижевский клуб интеллектуальных игр «Что? Где? Когда?» огазеяськонлэн вице-президентэз Михаил Эстрин пиналъёслы тунсыкоесь юанъёс дасям. Герӟаськемын вал соос пӧртэм калыкъёслэн лулчеберетэнызы, сям-йылолъёсынызы, улон радэнызы. Егитъёс тросэзлы юанъёслы шонер валэктонъёс сётӥзы.

Озьыен, финалын вормиз «Мозговой штурм» (Сарапул ёрос) команда, 2-тӥ интые потӥз «Тамада» (Глазкар к.) команда, 3-тӥ инты басьтӥз «Бэмс» (Красногорск ёрос) команда.

Вормисьёсты медальёсын но кузьымъёсын пусйизы. Мукетъёсыз пыриськисьёс синпель кузьымъёс басьтӥзы.

Радъясьёс: Удмурт Элькунысь егитъёслэн мерлыко огазеяськонъёссылэн «Вместе» ассоциацизы, Удмурт Элькунысь йӧскалык политикая министерство, Калыкъёслэн Эшъяськон юртсы.