Туэ (22-тӥ тулыспалэ) Вӧйдыр элькун шулдыръяськон Тол Бабай дорын, Шаркан ёросын, ортчоз. Татчы ёросъёсысь но каръёсысь 30 делегациос вуозы. Тол Бабайлэн юртъераз толэз келяса но тулысэз пумитаса соос шулдыръяськозы, шудозы-серектозы, кырӟалозы-эктозы.

Калык йылолъёсъя та нуналэ шулдыръяськоно но кунояськоно, нош черклэн катъёсызъя матысь адямиослы, эшъёслы дыр висъяно, шунытэз сётоно, Быдӟым пост азьын, урод малпанъёслэсь куштӥськоно, йыркуръяськонъёсыз вунэтоно.

Та нуналэ ужалоз 7 плщадка. Соос Вӧйдырлэн нуналъёсызлы тупало. Вордӥськон нунал – со «Пумиськон». Татын куносты, ӟуч сям-йылолъёсты чакласа, фольклор коллектив пумиталоз. Пуксён – «Шудон» нунал. Татын куноос хоровод мытозы. «Чечым» нунал вирнуналэ учыра вылэм. Татын люкаськем калыкез трос пӧртэм ческыт сиёнъёс витёзы. Покчи арня «Шудон-серектонэн» висъяське. Татын куноосты витё ӟуч калык шудонъёс, ӟуч батыръёслэн вожвылъяськонзы, нылпи шудонъёс. Удмурт арня нуналэ эмеспи варманаез доры табань сиыны ветлоз вылэм. «Ваманайлэн табанез» нимо площадкаын Обыдаен тодматскон ортчоз. Арня нуналэ кышномуртъёс кузпалзылэн апай-дыдыез доры вераськыса, киуж ужаса пукыны мыно вылэн. «ӝыт пуконъёс» площадкаын ӧнеръёсъя юртысь кибашлыос киужъёс лэсьтонъя мастер-классъёс возьматозы. Нош берпуметӥ нуналэ бадӟым юондыр ортче вылэм. Валтӥсь сцена вылын ёросъёсысь лыктэм коллективъёс возьматозы быгатонлыкъёссэс. Юондыр йылпумъяськоз бадӟым хороводэн но куро мунёез ӝуатонэн.

Та бадӟым калык шулдыръяськонэ Удмурт Элькунлэн Тӧроез Александр Соловьёв но вуоз.

Ужрадэз ортчыто ӟуч лулчеберетъя огазеяськон, Калыкъёслэн эшъяськон юртсы, «Шаркан ёрос» муниципал кылдытэт Удмурт Элькунысь йӧскалык политикая министерстволэн юрттэмез улсын.

Туспуктэмъёс басьтэмын: udmpravda.ru, myudm.ru