«Tolles Diktat» Россиякуспо акция – немец кылъя диктант. Азьмугез – немец кылэз вӧлмытон но янгыштэк гожъяськонэз азинтон. Акция Анай кыллэн калыккуспо нуналэзлы сӥземын, кудӥз 1999-тӥ арын ЮНЕСКО-ен юнматэмын кылъя но лулчеберетъя пӧртэмлыкез утёнлы но вӧлмытонлы.

Радъясьёс: «Немец лулчеберетъя калыккуспо огазеяськон» мерлык огазеяськонъёслэн Ассоциацизы но «Томскысь Ӟуч-немец юрт» Улосвылысь кун аскивалтӥсь лулчеберетъя ужъюртсы. Арлы быдэ ортчись Акциез радъяло немец кылъя дышетӥсьёслэн Улоскуспо ассоциацизы, «Содружество преподавателей немецкого языка» огазеяськонъёслэн но дышетӥсьёслэн ассоциацизы, АНО ДПО «Институт этнокультурного образования», вылӥ но огъядышетскон ужъюртъёс, озьы ик Лулчеберетъя-деловой центръёс но Москваысь, Новосибирскысь, Барнаулысь, Екатеринбургысь, Омскысь но Калининградысь Ӟуч-немец юртъёс.

Немец кылъя нырысетӥез диктант 2013-тӥ арын ортчытэмын вал Томскысь дышетскисьёс понна. 2014-тӥ аре Акцие Новосибирск но Алтай улосвылъёс пыриськизы. 2015-тӥ арын Акция Россиякуспо луиз, Томск борды итӥськизы Москваысь, Новосибирскысь, Барнаулысь Ӟуч-немец юртъёс но Омскысь немец лулчеберетъя Центръёс. Та ӵектос улонэ вӧлмем бере Россиысь пӧртэм улосвылъёсысьтыз заявкаос вуылыны кутскизы. 2015-тӥ арын диктантэз оглом 2200 пала адями гожтӥз. Дыр ортчемъя Акция азьланьтӥськиз Россиысь Йӧскалык ужъёсъя Федерал агентство, Дышетсконъя министерство, Калыкез дышетонъя министерство но Москваысь М.В. Ломоносов нимо кун университетысь «Свободный Российско-Германский Институт Публицистики» журналистика факультет юрттэмен.

2017-тӥ арын Москваысь Ӟуч-немец юртын Акция нырысьсэ меӵак эфирын радъямын вал, соин сэрен вань мылкыд карисьёс ужрадэ пыриськыны быгатӥзы. Арлы быдэ диктантэ Россиялэн трос улосвылъёсысьтыз но кунсьӧрысь адямиос пырисько. 2022-тӥ аре диктантэз туж трос мурт гожтӥз – 72 084 адями. «Tolles Diktat» Россиякуспо акция 2024-тӥ арын 19–25-тӥ тулыспалэ онлайн но офлайн амалэн ортчытэмын луоз.

Регистрациез 22-тӥ толшорысен 16-тӥ тулыспалозь ортчыны кулэ. Диктант 40 минут пала кыстӥське. Котькуд арлыдэз возьматӥсь категорилы диктант нимысьтыз бырйиське. Вань мылкыд карисьёс пыриськыны быгато: школаын дышетскисьёс (6–11 классъёс), немец кылэз дышетонъя пӧртэм группае ветлӥсьёс. Кылкуэтъёслэн уровеньзы люкиське тазьы: А1, А2, В1, В2, С1. Котькуд категориын (А1, А2, В1, В2, С1) вормисьёс бырйиськозы.

Россиякуспо акцилэн онлайн амалэн трансляциез 21-тӥ тулыспалэ 13:00 (МСК) радъямын луоз https://tollesdiktat.rusdeutsch.ru/ вотэсын.

Диктантлэн кылкуэтэз А2/B1/С1 уровеньёслы тупалоз. Онлайн амалэн диктантэз гожтон понна 20-тӥ тулыспалозь регистрациез ортчыны кулэ https://tollesdiktat.rusdeutsch.ru/ вотэсын. Трансляцилэн ссылкаез асьтэ кабинетады интыяськемын луоз. Сертификатэз басьтон понна гожтэм диктанттылэсь текстсэ асьтэлэн вотэсады интыяно, бӧрысь асэрказ эскерон ортчытэмын луоз.

Акциен пыр-поч тодматскыны луоз https://tollesdiktat.rusdeutsch.ru/ вотэсын.