22-тӥ гудырикошкон толэзе 10.00 часэ Можгакарын ” Триколор единства” патриотической акци ортчоз. Нырысетӥез таӵе акци радъяськиз вал 6 ар талэсь азьло Калыкъёслэн Эшъяськон юртазы. Со дырысен ужрад паськыт вӧлмиз калык пӧлы, географиез но паськытаз.

Туэ Росси флаглэн нуналэзлы сӥзем ужрад Можгакарын ортчытыны чакламын. Мерлыко огазеяськонъёслэн ёзчиоссы пӧртэм пумо площадкаос радъялозы. Куноос еврей алфавитэн тодматскыны, пор мунёосты лэсьтыны быгатозы, куд-ог кылъёсты удмурт, бигер, мордва, армян но мукет сямен вераны дышетозы.

Йылпумъяськоз акция Росси флаглы сӥзем концертэн. Атыкай музъемез яратон но гажан, тупаса улон сярысь кырӟалозы но вералозы ӟуч, удмурт, пор, бигер, мордва, армян, еврей но мукет кылъёсын. Та валтӥсь валатонъёс котькыӵе кылын валамонэсь.