12-тӥ толсуре Калыкъёслэн Эшъяськон юртазы туала шӧмо карем ӟуч кырӟанъя «Голос моей России» V Элькун фестиваль-вожвылъяськон ортчоз.

Берло аръёсы шӧдыны луэ егитъёслэсь ӟуч кырӟан, крезьгур борды кыстӥськемзэс. Ӟуч лулчеберетъя Удмурт Элькунысь огазеяськонлэн кивалтӥсезлэн воштӥсезлэн С.В. Шаповалэн малпамезъя, таӵе ужпум кылдэмын Йӧскалык политикая министерстволэн но мерлыко огазеяськонъёслэн кенешыса ужаменызы сэрен. Угось котькуд ужрадзы соослэн сӥземын егитъёслы ӟуч калыклэсь сям-йылолъёссэ, историзэ яратон но гажан мылкыд пыӵатонлы.

Котькуд аре фестивале трос егитъёс пырисько. Туэ вожвылъяськонэ пыриськыны мылкыд кариз 140 адями. Фестивалез радъясьёс тодо ини, макем секыт луоз жюрилы вормисьёсты бырйыны.

Ужрадэз ортчыто: Удмурт Элькунысь йӧскалык политикая министерство, Ӟуч лулчеберетъя Удмурт Элькунысь огазеяськон, Калыкъёслэн Эшъяськон юртсы.